सिन्धुली, १३ फाल्गुन । सिन्धुलीका १ सय जना भन्दाबढी मोतियाविन्दु भएका विरामीको निःशुल्क आखाँको शल्यक्रिया गरिएको छ ।
नेपाल रेडक्रश सोसाईटी सिन्धुली शाखाको आयोजना र कमलामाई नगरपालीका, तिलगंगा आँखा प्रतिष्ठान,जानकी आँखा अस्पताल जनकपुरको सहयोगमा दुई दिन भएको शिविरमा जिल्लाका १ सय ९ जना मोतियाविन्दु भएका विरामीको आखाँको निःशुल्क शल्यक्रिया गरिएको हो ।
आखाँको शल्यक्रिया गरिएका विरामीहरुलाई चश्मा र औषधी निःशुल्क वितरण गरिएको नेपाल रेडक्रश सोसाईटी सिन्धुली शाखाका सभापती अशोक श्रेष्ठले बताउनुभयो ।
आखाको शल्यक्रिया पछि वृद्धवृद्धाहरु खुसी भएका छन् ।
नेपाल रेडक्रश सोसाईटी सिन्धुली शाखाले नियमित रुपमा मोतियाविन्दु भएका विरामीको निःशुल्क आखाँको शल्यक्रिया गर्दैआएको छ ।
