सिन्धुली, २६ चैत । सिन्धुली उद्योग वाणिज्य संघ, सिन्धुलीले घोषणा गरेको दमकल खरिद गरेर ल्याएको छ ।
सिन्धुली उद्योग वाणिज्य संघले २०७९ मा आयोजना गरेको महोत्सवबाट उठेको आम्दानीले आधुनिक दमकल खरिद गर्ने उदेश्य लिएको थियो ।
दमकल ल्याउने ठेक्का लिएको कम्पनीले इन्जिनियर सहित दमकल आज विहान सिन्धुली ल्याई पुर्याएको उद्योग वाणिज्य संघ, सिन्धुलीका अध्यक्ष अर्जुन श्रेष्ठले बताउनुभयो ।
महोत्सव आयोजना गर्दा राखिएको उदेश्य अनुसार जिल्लाका स्थानिय तहहरुसँग साझेदारी गरी करिब ८५ लाखमा दमकल खरिद गरि ल्याईएको अध्यक्ष श्रेष्ठले बताउनुभयो ।
ईन्जिनियर सहितको टोलीले चालक लगाएतका टोलीलाई केहि दिन दमकलको उपयोगका बारेमा तालिम दिएपछि मात्रै कमलामाई नगरपालिकालाई दमकल हस्तान्तरण गरिने अध्यक्ष श्रेष्ठको भनाई छ ।
