सिन्धुली, ११ भदौं । सिन्धुलीको सुनकोशी गाउँपालिका ३ मा रहेको झागाझोली रातमाटा स्वास्थ चौकिमा एक्सरे सेवा सुरु भएको छ ।
सुनकोशी गाउँपालिका अध्यक्ष दिपा बोहोरा दाहालले आज नवनिर्मित एक्स रे भवनको उद्घाटन गरेसँगै सेवा सुरु भएको हो । नवनिर्मित भवनमा नयाँ एक्सरे मेसिन जडान गरिएको गाउँपालिकाले जनाएको छ ।
झागाझोली रातमाटा स्वास्थ चौकिमा एक्सरे सेवा सुरु भएपछि यो सेवा लिन धुलिखेल लगाएत अन्यत्र जानुपर्ने स्थानियको बाध्यता हटेको छ ।
कार्यक्रममा सुनकोसी गाउँपालिकाका निमित्त प्रमुख प्रशासकीय अधिकृत नवीन न्यौपाने ,वडा न.३ का अध्यक्ष चन्द्र बहादुर श्रेष्ठ, स्वास्थ प्रमुख ओम प्रकास झा, सुनकोसी स्थिति विभिन्न राजनीति दलका प्रमुख तथा प्रतिनिधिहरु, समाजसेवी लगायत स्थानीयहरुको उपस्थिति रहेको थियो ।
