सिन्धुली, १५ चैत ।
सिन्धुलीको कमलामाई नगरपालिका ४ मरिण कुडुलेमा रहेको श्री पन्चकन्या माध्यमिक विद्यालयका गरिव तथा जेहेन्दार विद्यार्थीहरूलाई स्कुल झोला वितरण गरिएको छ ।
कोबे इन्टरनेशनल एजुकेसन सेन्टर KIEC को सहयोगमा पन्चकन्या माविका बाल कक्षा देखि कक्षा ९ सम्म अध्ययनरत ३० जना विद्यार्थीहरूलाई स्कुल झोला बवितरण गरिएको हो । स्कुल झोला पाए पछि विद्यार्थीहरू खुसी भएका छन् ।
पन्चकन्या माध्यमिक विद्यालयका प्रधानाध्यापक धन बहादुर स्याङतानको अध्यक्षतामा आयोजित कार्यक्रममा केआइइसीका प्रबन्धक निसान बुढाथोकीले विद्यार्थीहरूलाई स्कुल झोला वितरण गर्नुभएको हो ।
झोला वितरण कार्यक्रममा बोल्दै विद्यालयका प्रअ स्याङतानले झोला पाएपछि विद्यार्थीहरूलाई किताब कापी बोक्न सजिलो हुनुका साथै किताब कापीको सुरक्षा पनि हुनेब बताउनुभयो ।
झोला वितरण गर्दै केआइइसीका प्रबन्धक बुढाथोकीले आफुले सानोमा आर्थिक अभावमा झोला बोक्न नपाएको स्मरण गर्दै पैसा नभएर झोला बोक्न बञ्चित बालबालिकालाई सहयोग गर्न पाउँदा आत्मा देखि सन्तुष्टी मिलेको बताउनुभयो
