सिन्धुली जिल्लाको घ्याङलेख गाउँपालिकाले किशोर किशोरीहरुलाई निःशुल्क कम्प्युटर तालिम दिने भएको छ । गाउँपालिकाले आज सुचना निकालेर कम्प्युटर सम्बन्धी सिप सिक्न इच्छुकहरुसँग आवेदन माग गरेको छ ।
किशोर किशोरीहरुका लागि निःशुल्क ४५ दिने कम्प्युटर तालिम सञ्चालन हुने गाउँपालिकाले सुचनामा जनाएको छ । निःशुल्क कम्प्युटर तालिम आगामी जेठ ६ गतेदेखि मावि मरिण हायूटारको कम्प्युटर ल्याबमा सुरु हुने गाउँपालिकाले जनाएको छ । टाढाबाट आउने विद्यार्थीहरुको लागि निःशुल्क वस्ने व्यवस्था रहेको पनि सुचनामा उल्लेख गरिएको छ ।
