सिन्धुली, ३ भदौँ । प्रहरीले लागु औषध सहित सिन्धुलीका दुई जनालाई पक्राउ गरेको छ ।
कमलामाई नगरपालिका –७ का ३३ बर्षका अम्मर बहादुर सिजाली मगर र तीनपाटन गाउँपालिका –२ का ३२ बर्षका सुदिप घिमिरेलाई प्रहरीले पक्राउ गरेको हो ।
कमलामाई नगरपालिका.–९ स्थित भिमान प्रहरी चेकपोष्टमा बर्दिबासबाट सिन्धुली तर्फ आउँदै गरेको बा ११ च ७१५७ नम्बरको कारलाई चेक जाँच गर्दा कारमा लुकाई ल्याएको ४९ बोतल Exiplon New नामक लागु औषध सहित उनीहरुलाई नियन्त्रणमा लिईएको जिल्ला प्रहरी कार्यालय सिन्धुलीले जनाएको छ ।
कार मगरले चलाएर ल्याएका थिए भने घिमिरे सवार थिए । उनीहरुको बिषयमा थप अनुसन्धान भईरहेको प्रहरीले जनाएको छ ।
