सिन्धुली, १२ असोज । अविरल परेको पानीका कारण बागमती नदीमा आएको बाढीले सिन्धुलीको हरिहरपुरगढी गाउँपालिकाको बस्ती डुबानमा परेको छ ।
बागमती नदीमा आएको बाढीले हरिहपुरगढी गाउँपालिका ३ साडे,नयाँबस्तीको ९ घर डुबानमा परेको वडाअध्यक्ष कुल बहादुर भोलन (उज्ज्वल) ले जानकारी दिनुभयो ।
बाढीको डुबानमा परेर पिडित ९ घरपरिवारलाई हरिहरपुरगढी गाउँपालिका राहत वितरण गरेको छ ।
हरिहरपुरगढी गाउँपालिका अध्यक्ष बज्ध्वज वाईबा सहितको टोलीले बाढी प्रभावित क्षेत्रमै पुगेर पिडित परिवारलाई खाद्यान्नका सामाग्री हस्तान्तरण गर्नुभएको छ ।
