सिन्धुली, २१ असोज । सिन्धुलीको फिक्कल गाउँपालिका वडा नं. ६ को नयाँ प्रशासनिक भवन निर्माण भएको छ ।
करिव १ करोड लागतमा बनेको वडा कार्यालय भवन आज आयोजित एक कार्यक्रमका बिच फिक्कल गाउँपालिकाका अध्यक्ष पार्वती सुनुवार, उपाध्यक्ष राजु बरालले संयुक्त रुपमा उद्घाटन गर्नुभएको छ ।
साढे दुई तला रहेको भवनमा वडा अध्यक्षको कार्यकक्ष, सभाहल, आवास, स्तनपान कक्ष सहितको सुविधा रहेको छ ।
यस अघि भाडाको घरबाट नागरिकलाई वडा कार्यालयको सेवा प्रवाह गरिदै आएको थियो ।
नयाँ सुविधा सम्पन्न भवन बनेपछि अबदेखि नागरिकलाई छिटो, छरित्तो र गुणस्तरीय सेवा दिन सहज हुने वडा अध्यक्ष कुलेन्द्र बहादुर मगरले बताउनुभयो ।
